స్టార్ మా టీవీలో ప్రసారమవుతున్న సీరియల్ 'గుప్పెడంత మనసు'. ఈ సీరియల్ శనివారం నాటి ఎపిసోడ్ -1044 లో.. విశ్వనాథ్ కి ఏంజిల్ జరిగింది మొత్తం చెప్తుంది. అనుపమ గురించి తెలిసి విశ్వనాథ్ షాక్ అవుతాడు. అసలు పెళ్లి అయినట్టు కూడా తెలియదని విశ్వనాథ్ అనగానే.. అత్తయ్య ఏమైనా నీ దగ్గర ఉందా? అన్ని తెలియడానికి.. అసలు అత్తయ్య ఉందన్న విషయమే ఆమె వచ్చాక తెలిసిందని ఏంజిల్ అంటుంది.

ఆ తర్వాత మను గురించి ఏంజిల్ ని విశ్వనాథ్ అడుగుతాడు. మను బాగుంటాడా అని అడుగగా.. చాలా బాగుంటాడు తెలుగు సినిమా హీరోలా ఉంటాడని ఏంజిల్ చెప్తుంది. మనవడు రాగానే ఈ మనవరాలని మర్చిపోతున్నావ్.. ఏంటి విషయం అని ఏంజిల్ అంటుంది. నువు పెళ్లి చేసుకొని వెళ్తే నన్ను చూసుకునేది తనేగా.. నువ్వు ఆస్తి విషయంలో గొడవపడితే నాకు సపోర్ట్ గా ఉండేది తనే అని విశ్వనాథ్ సరదాగా మాట్లాడతాడు. నాకు మనుని చూడాలనిపిస్తుందని అనగానే.. సరే తీసుకొని వస్తానని ఏంజిల్ చెప్తుంది. ఆ తర్వాత మనుకి ఏంజిల్ కాల్ చేసి.. కలిసి మాట్లాడాలి.. నేను చెప్పిన ప్లేస్ కి రండి అని అంటుంది. నేను రాను.. విషయం ఏంటో ఫోన్ లో చెప్పండని మను అంటాడు. నాకు ఐస్ క్రీమ్ తినాలనిపిస్తుంది అందుకే పిలుస్తున్నానని ఏంజిల్ అనగానే.. నాకు ఇప్పుడు తినాలని లేదని ఫోన్ కట్ చేస్తాడు. ఇప్పుడు మనుని ఇక్కడికి ఎలా రప్పించాలని ఏంజిల్ అనుకుని వసుధారకి ఫోన్ చేస్తుంది. " తాతయ్యకు అంత చెప్పాను మనుని ఒకసారి చూడాలని అంటున్నాడు.. నువు ఎలాగైనా మనుని తీసుకొనిరా " అని చెప్పగానే వసుధార సరే అంటుంది.

ఆ తర్వాత మనుకి వసుధార ఎదో ఇంపార్టెంట్ విషయం చెప్పాలని చెప్పి.. విశ్వనాథ్ ఇంటికి మనుని తీసుకొని వస్తుంది. మనుని చూసి విశ్వనాథ్ హగ్ చేసుకొని ఎమోషనల్ అవుతాడు. నేను నీకు తాతయ్యని అని మనుతో విశ్వనాథ్ చెప్పి.. ఏదీ ఒకసారి తాతయ్య అని పిలువు అని అంటాడు. నేను పిలవను.. నాకు ఇప్పుడు బంధాలు అవసరం లేవని మను అంటాడు. అతను అంత ప్రేమగా చూస్తుంటే మీరెందుకు అలా చేస్తున్నారని వసుధార అంటుంది. మీ కన్నకూతురు అంటున్నారు.. నా కన్నతల్లి నన్ను కొడుకుగా అంగీకరించడం లేదు.. నేను మిమ్మల్ని ఎలా అంగీకరిస్తాను.. ఆవిడకి దూరంగా ఉంటున్నప్పుడు, నేను మీకెలా దగ్గరగా ఉంటానని మను అంటాడు. ఆ తర్వాత ఏం జరిగిందో తెలియాలంటే తర్వాతి ఎపిసోడ్ వరకు ఆగాల్సిందే.